Concello de Ponteceso Diputación da Coruña

CONCELLO DE PONTECESO

RSS

Concello :: Novas

A pegada artística dos veciños do concello de Ponteceso xa viste a fachada do MACCMO

A bandeirola foi presentada e colgada esta mesma mañá no Museo de Arte Contemporánea da Costa da Morte e contou coa presenza do alcalde, Xosé Lois García Carballido

Presentación da bandeirola creada coa colaboración de veciños de Ponteceso que vestirá a fachada do MACCMOO Museo de Arte Contemporánea Costa da Morte en Corme (MACCMO) xa conta cunha bandeirola que vistirá a súa fachada dende esta mesma mañá. Unha bandeirola na que participaron as e os veciños do Concello de Ponteceso, que así quixeron, e no que formaron parte do proceso de creación.

A través dunhas 55 pequenas lonas a pegada artística dos pontecesáns quedará reflectida para sempre no gran mosaico do museo, a través da pintura, traballos de redeiras, debuxos, collage, punto de cruz, bordados e mesmo fotografías que están presentes nestas pezas e obras artísticas únicas creadas por persoas de entre 7 e 90 anos.

No acto, que tivo lugar nesta mañá do sábado 28 de agosto para mostrar e colgar a bandeirola do MACCMO, estivo presente o alcalde do Concello de Ponteceso, Xosé Lois García Carballido, así como representantes do museo.

Concello de Ponteceso