A iniciativa, que forma parte da campaña da Deputación Provincial ?Quen dixo medo??, desenvolverase o 21 de xuño nas Escolas Municipais de Ponteceso
Se es muller e tes máis de 16 anos podes participar no obradoiro de autodefensa que celebraremos o 21 de xuño, de 17.00 a 19.30 horas, nas Escolas Municipais de Ponteceso. A iniciativa, que forma parte da campaña da Deputación Provincial
Quen dixo medo?, ten como finalidade xerar un espazo que permita ás mulleres identificar as agresións e proporcionarlles habilidades e coñecementos dos mecanismos de defensa, tanto físicos coma psíquicos, fronte a un posible agresor, para poder saír airosas dunha situación de violencia cunha resposta contundente e decidida.
O obradoiro empregará unha dinámica participativa e constará dun bloque teórico e outro práctico. O programa será o seguinte:
Parte teórica? Que é a violencia de xénero
? Ciclo de violencia
? Identificación da situacións de violencia
? Análise dos tipos de violencia
Parte práctica? Formas de defensa e bloqueo
? Técnicas de inmobilización
? Hábitos de conduta e actuación
O obxectivo é que as mulleres tomen conciencia dos seus dereitos, da súa forza e da súa valía a través do traballo físico.
O
prazo de inscrición xa está aberto. As interesadas poden dirixirse ao Departamento de Servizos Sociais (981 714 000-ext.7), enviar un e-mail a info@quendixomedo.gal ou chamar ao 981 756 469. As prazas son limitadas.